Meidogger oerlis:Wutsje

Wa't mei my oerlizze wol moat hjir wêze.

Ik seach, jo hienen problemen dizze keppeling te finen: Wikiwurdboek:Siden wiskje. Aliter 17 nov 2009, 23.54 (UTC)

Wolkom op Wikidata!

Wikidata

Goeie Wutsje,

Tank dat jo meidogge.

Jo binne al op 'e hichte fan de diskusje oer de Wikimedia Foundation yn 'e panielen fan meta en enwiki. Ien ding, mei grutte gefolgen foar dizze wiki, hat gjinien it noch oer. Yn it plaatsje rjochts binne se drok dwaande mei 'harren' difyzjes te ferskowen ...

De reden dat it Wikiwurdboek ûnder Wikidata hinget, is fansels net om de 'goede namme' mar funksjoneel. Skynber moat alles yn 'e databank fan Wikidata. Ofsjoen fan de goede en minne kanten dêroan, wurdt men yn alle gefallen ôfhinklik fan in nije laach baaskes op Wikidata en Phabricator.

Alles wat ik hjir oant no ta dien haw op it mêd fan berjochten/modulen is folslein om 'e nocht sa, want de hiele wiki sil op 'e skop moatte. Foar my in grutte domper, en foar jo faaks in warskôging. M.f.g. --PiefPafPier (oerlis) 13 jul 2020, 13.21 (UTC)

Dei PiefPafPier, myn earste tinze doe't ik hjiroer lies wie ek: "se" hawwe wer wat moais optocht, mar sa't it lân der no hinne leit, liket it er net op en it wurdt ferplichte om der oan mei te dwaan (sjoch bgl. m:Abstract Wikipedia). Yn alle gefallen sil it noch wol in tiid duorje foar't it klear is. It is ek mooglik om tegearre mei ús lytse fy-mienskipke tsjin dit plan op te kommen, mar dat moatte we dan wol tegearre dwaan. Ik haw der no op de Wikipedy:Oerlisside wat oer sein.

Foar't safier dit mei dy ferhipte rebranding gearhinget: dêr haw ik sa't jo witte op fy:wiki ek al it ien en oar oer skreaun. Ik hoopje dat we dat keare kinne, mar ik wit it net. Op de Olympus fan de WMF barre nuvere dingen. Groetenis, Wutsje (oerlis) 13 jul 2020, 18.25 (UTC)

Abstract Wikipedia wol masine-oersettings meitsje of sa. Dan sil dy databank mei wurden en taaldinkjes der gau komme. Alles stapke foar stapke, en oer in pear jier is it Frysk Wikiwurdboek net mear as in portaalside (lykas op Commons) mei wat ynfierfekken en in taalynstelling. Folle better, mar gjin sek mear oan. (Benijd hoe't dy foarsizzing útpakt.) Boppedat gean ik net oan 'e gong foar de bigtech-aspiraasjes fan it haadkantoar.

Oanfolling: It docht bliken dat dy databank der al is: d:Wikidata:Lexicographical data. Fb.: d:Lexeme:L200000 --PiefPafPier (oerlis) 3 sep 2020, 07.40 (UTC)

De measten hawwe nearne in probleem mei, en de WMF wit dat. --PiefPafPier (oerlis) 14 jul 2020, 08.19 (UTC)

Ik bin bang fan ek, mar sa't ik sei, ik bliuw hoopjen dat we it noch keare kinne. Yn myn ûnderfining is mei de measten by de WMF goed te praten, it is foaral by it management en de p.r.-lju dat it dêr no sa misgiet. Wutsje (oerlis) 14 jul 2020, 18.44 (UTC)